Billerchronik "25 Johr Güstrower Plattsnacker" (1989-2014)
Den'n Frünnkring "Güstrower Plattsnacker" gifft dat nu schon över 30 Johr. Disse Biller-Chronik höllt Taurüchblick up disse Tied. Dei 24. Februar 2014, is dei 25. Johresdag von de "Güstrower Plattsnacker".
Wer ne Tiedlang orrer von Anfang an dissen Kreis von Lüd angehürt, dei tausamenkamen, üm sick üm dat "Plattdütsche" tau kümmern, dat heit, sien Muddersprak un dat Bruktum tau plägen, kann sich an manche schöne Stunn in disse Gemeinschaft erinnern.
Dei mihrsten sünd över 70 Johr olt. Siet 1989 gift dat unsen Kreis "Güstrower Plattsnacker" un siet 1996 sünd wie Mitglieder in de John Brinckman Gesellschaft e. V. Mal kümmt einer dortau un ein anner höllt up. Oewer so an dei twintig Lüd sünd wi ümmer, wenn wi uns einmal in'n Mond drapen. Un denn hemm wi ein Thema, wat wi besnacken. Dorbi ward Bekanntes un Nieges vertellt orrer vörläst. Un männigein hürt lütt Geschichten orrer Vertellers, dei hei noch nich kennt hett.
Dat nächst Johr is över ok ut ein annern Grund vör uns all von Bedüdung:.
An’n 03.Juli 2014 is dei 200.Geburtstag von unsen Landsmann John Brinckman.
Hei het 21 Johr in Güstrow läwt un is’n angesein Börger, Liehrer un Schriftsteller wäst un'n gauder Fründ von Fritz Reuter un Klaus Groth. Tau sien Ihren ist dat Denkmal von Voss un Swinegel an‘n Güstrowschen Piermarkt dörch sienen öllsten Söhn, Konsul Max Brinckman ut Hamburg stift, un von Prof. Wilhelm Wandschneider ut Plau gestalt worden. Dat Denkmal würd 1908 upstellt. Bürgermeister Dahse hölt dei Festansprak.
Ok dat Medaillon-Relief an sienen Graffstein up den Güstrower Friedhof stammen von Max Brinckman un Wilhelm Wandschneider. Wie hemm dörch ein erfolgreich Spendenaktion dat Geld tausamen krägen un dei Graffstell tau sienen 200. Gebutsdag an 'n 03.07.2014 wäder orrig herstellen laten künnt.
Wie danken dorför allen Spennnern recht hartlich.
Annelise Wendt
Vörsiddersch von dei Güstrower Plattsnacker
